Будучыня — за падрыхтаванымі кадрамі: выязны семінар-практыкум прайшоў на тэрыторыі Бабруйскага раёна
Вторник, 24 октября 2023 16:35Выязны семінар-практыкум па тэме “Фарміраванне дзейснага рэзерву кадраў і работа з ім. Забеспячэнне кадравай бяспекі” прайшоў на тэрыторыі Бабруйскага раёна. Яго ўдзельнікамі сталі і спецыялісты Бабруйскага лясгаса.
Адкрываючы першую частку семінара, якая прайшла ў райвыканкаме, Сяргей Іваноў, начальнік галоўнага ўпраўлення арганізацыйна-кадравай работы Магілёўскага аблвыканкама засяродзіў увагу на мэце форуму — павысіць ўзровень префесійнай кампетэнцыі спецыялістаў па рабоце з кадрамі, абмяняцца вопытам у пытанні эфектыўнага фарміравання рэзерву кадраў і забеспячэння кадравай бяспекі.
Леанід Мартынюк, памочнік Прэзідэнта Рэспублікі Беларусь-інспектар па Магілёўскай вобласці, адзначыў актуальнасць тэмы, выказаў спадзяванне, што мерапрыемства дасць станоўчы штуршок — рашэнне кадравай палітыкі будзе паднята на новы ўзровень.
Старшыня Бабруйскага райвыканкама Аляксандр Сухадольскі заўважыў, што падыход да вырашэння кадравага пытання ў раёне самы сур’ёзны і скіраваны на моладзь.
Справаздачу пра работу з кадрамі і рэзервам кадраў у лясгасе распавядала ўдзельнікам семінара намеснік кіраўніка арганізацыіі па ідэялагічнай рабоце Валянціна Шэх.